Tiranë, 4 qershor 2026 – Është mbyllur pas më shumë se tre orësh protesta e pestë radhazi përballë godinës së Kryeministrisë, ku qytetarë janë mbledhur kundër projektit në zonën e Zvërnecit.

Tubimi nisi në sheshin “Skënderbej”, ku protestuesit u grumbulluan me flamuj dhe pankarta, përpara se të marshonin drejt Kryeministrisë. Gjatë protestës u dëgjuan edhe thirrje për një reagim paqësor dhe për përfshirje të qytetarëve nga të gjitha grupet politike.

Në një deklaratë përpara turmës, përfaqësues të “grupit nismëtar” u shprehën se nisma përfaqëson qytetarë të lirë dhe e konsideruan protestën si një përgjigje ndaj, siç u tha, “rreziqeve ndaj interesit kombëtar”. Ata theksuan se kërkesat e tyre janë të panegociueshme dhe mbështeten nga një numër i madh pjesëmarrësish.

Gjatë tubimit u paraqitën pesë kërkesat kryesore të protestuesve:

Dorëheqja e qeverisë Shfuqizimi i statusit dhe kuadrit ligjor për investitorët strategjikë Shfuqizimi i Paketës së Maleve Anulimi i ndryshimeve në Ligjin për Zonat e Mbrojtura Anulimi i ndryshimeve në Ligjin për Trashëgiminë Kulturore

Protesta u zhvillua nën monitorimin e forcave të rendit dhe përfundoi pa raportime për incidente.