Tiranë, 4 qershor 2026 – Gjatë protestës së zhvilluar në kryeqytet, një prej pjesëmarrësve i është drejtuar turmës me thirrje për të mos u dorëzuar dhe për të vazhduar qëndrimin kundër projektit në Zvërnec.

Ai u shpreh se dorëzimi i qytetarëve do të kishte pasoja për të ardhmen e vendit dhe rajonit, duke theksuar rëndësinë e vazhdimit të protestës.

“Mos u dorëzoni. Po u dorëzuat ju, iku Shqipëria, iku Kosova, iku kombi shqiptar. Kjo protestë do të shënojë një kthesë historike. Populli duhet të ngrihet dhe të mos e dorëzojë atdheun,” u shpreh ai.

Protestuesi shtoi gjithashtu se lëvizja ka mbështetje edhe nga shqiptarë jashtë vendit dhe se, sipas tij, qytetarët duhet të vazhdojnë mobilizimin në mbrojtje të interesave të vendit.