Kryeministri Edi Rama reagoi pak më parë për ngjarjen e rëndë në Maliq ku u vra një inspektor policie dhe u plagos një tjetër.

Ndërsa angazhohet për ndëshkim maksimal për të shumëkërkuarin, Rama shpreh respekt maksimal për Policinë e Shtetit, që siç thekson ai, nuk do të ndalet asnjëherë në misionin e saj.

Deklarata e plotë:

Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës dhe në mënyrë të përsëritur kishte arritur t’u ikte rrethimeve të forcave të rendit, ka humbur jetën një efektiv policie e është plagosur një i dytë, ndërkohë që pasi ka hapur zjarr ndaj tyre u plagos dhe u kap edhe krimineli!

Nderim përjetë dëshmorit të atdheut, ngushëllime familjes dhe shërim të shpejtë efektivit tjetër.

Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj".