TIRANË – Trajneri i ri i kombëtares shqiptare, Rolando Maran, debutoi me humbje në stolin e kuqezinjve, teksa Shqipëria u mposht 0-1 nga Izraeli në ndeshjen miqësore që u zhvillua në "Air Albania Stadium".

Pavarësisht kontrollit të lojës nga kuqezinjtë dhe dominimit në posedim, ishte Izraeli që gjeti rrugën e rrjetës në minutën e 73-të, me një diagonale të saktë nga Oscar Gloukh, që mposhti portierin Sherri.

Pas golit, atmosfera u tensionua. Mesfushori izraelit iu drejtua tifozëve shqiptarë duke u bërë me shenjë të pushojnë së brohorituri, çka shkaktoi acarim në shkallët e stadiumit dhe një përplasje mes lojtarëve në fushë. Së pari reagoi Hysaj, ndërsa më pas u përfshinë edhe Arbër Hoxha dhe disa të tjerë. Tifozët kuqezi hodhën edhe sende në fushë, duke shtuar tensionin.

Ndeshja solli edhe disa risive për kombëtaren e Maran: Anis Mehmeti u aktivizua nga minuta e parë, ndërsa në mesfushë u rikthye Ylber Ramadani, ndërsa Juljan Shehu nisi nga stoli.

Megjithë humbjen, kombëtarja e Shqipërisë ka treguar iniciativa dhe raste shënimi, por mungesa e efektivitetit dhe situatat e tensionuara e ndalën nga realizimi i golave.