POGRADEC – Një banesë në lagjen nr. 4 të qytetit të Pogradec është përfshirë nga flakët pasditen e së mërkurës, duke shkaktuar dëme materiale në një prej dhomave të saj.

Sipas informacioneve paraprake, zjarri ka rënë në një banesë pranë zonës së spitalit, ndërsa flakët janë përhapur në një nga ambientet e brendshme të objektit.

Në vendngjarje kanë mbërritur menjëherë forcat zjarrfikëse, të cilat kanë bërë të mundur izolimin e flakëve dhe shmangien e përhapjes së zjarrit në pjesët e tjera të banesës. Ekipet e emergjencës vijojnë punën për fikjen e plotë të vatrës së zjarrit.

Deri më tani nuk raportohen persona të lënduar, ndërsa dëmet e shkaktuara janë vetëm materiale.

Shkaqet e rënies së zjarrit mbeten ende të paqarta. Grupi hetimor ndodhet në vendngjarje dhe po punon për përcaktimin e rrethanave dhe shkakut që çoi në shpërthimin e flakëve.