Gjakovë, 2 Qershor 2026 – Policia e Kosovës ka arrestuar tre persona pas një grabitjeje të raportuar më 1 qershor në qytetin e Gjakovës, ku një i mitur u sulmua dhe i morën një shumë parash.

Ngjarja ndodhi rreth orës 18:50, kur i mituri u përfshi në një përleshje fizike dhe u sulmua me thikë nga tre persona të dyshuar.

I mituri u transportua menjëherë për trajtim mjekësor, ndërsa gjendja e tij është jashtë rrezikut për jetën.

Sektori i Hetimeve Rajonale në Gjakovë ndërhyri menjëherë dhe më 2 qershor arrestoi tre të dyshuarit, dy prej tyre të mitur dhe një të rritur, të cilët janë dërguar për procedura të mëtejshme ligjore.