Zbulim tronditës pas aksidentit fatal në Fier, 43-vjeçari Ernis Xhumari dyshohet se u largua me shpejtësi pasi pa patrullën e policisë

Detaje të reja kanë dalë në dritë lidhur me aksidentin fatal të ndodhur në orët e para të mëngjesit në Fier, ku humbi jetën një 43-vjeçar nga Tirana.

Sipas informacionit zyrtar, ngjarja ka nisur rreth orës 01:45 të datës 2 qershor 2026, kur punonjësit e sallës operative të Komisariatit të Policisë Lushnjë kanë konstatuar përmes kamerave të sigurisë një automjet tip “Mercedes-Benz” që kryente manovra të çrregullta përpara godinës së komisariatit.

Burimet bëjnë me dije se drejtuesi i automjetit ka dalë disa herë nga makina duke bërtitur para komisariatit, sjellje që ka tërhequr vëmendjen e efektivëve.

Për shkak të veprimeve të pazakonta, salla operative ka njoftuar patrullën e përgjithshme që ndodhej në shërbim në qytet, me qëllim verifikimin e drejtuesit të automjetit dhe sqarimin e situatës.

Megjithatë, sapo ka vënë re afrimin e patrullës policore, drejtuesi i mjetit është larguar me shpejtësi të madhe nga zona.

Vetëm pak minuta më vonë, automjeti është aksidentuar në vendin e njohur si “Rrethrrotullimi i Plasmasit”. Dyshohet se për shkak të shpejtësisë së lartë dhe humbjes së kontrollit mbi mjetin, makina është përplasur me bordurat anësore të rrugës dhe më pas është përmbysur.

Si pasojë e aksidentit, ka humbur jetën drejtuesi i automjetit, shtetasi Ernis Xhumari, 43 vjeç, banues në Tiranë.

Grupi hetimor, nën drejtimin e Prokurorisë, po vijon hetimet për të zbardhur plotësisht rrethanat e ngjarjes dhe për të përcaktuar shkaqet që çuan në aksidentin me pasojë vdekjen e 43-vjeçarit.

Çfarë ndodhi në të gdhirë

Rreth orës 01:45, të datës 2 qershor 2026, punonjësit e sallës operative të Komisariatit të Policisë Lushnjë, nëpërmjet kamerave të sigurisë, kanë konstatuar përpara Komisariatit, një automjet tip “Mercedes-Benz”, duke kryer manovra të çrregullta, dhe më pas drejtuesi i automjetit ka dalë nga automjeti duke bërtitur para Komisariatit, veprim të cilin e ka përsëritur disa herë.

Në këto kushte, salla operative ka njoftuar Patrullën e Përgjithshme që ishte me shërbim në qytet, për t’u afruar në Komisariat, me qëllim verifikimin e drejtuesit të automjetit dhe arsyen e sjelljeve të tij.

Drejtuesi i automjetit, sapo ka parë Patrullën e Përgjithshme që vinte drejt Komisariatit, është larguar me shpejtësi të madhe dhe pas disa minutash dyshohet se për shkak të shpejtësisë së madhe dhe humbjes së kontrollit mbi drejtimin e automjetit nga ana e drejtuesit, automjeti është përplasur me bordurat anësore të rrugës, në vendin e quajtur “Rrethrrotullimi i Plasmasit” dhe është përmbysur.

Si pasojë, drejtuesi i automjetit, shtetasi E. Xh., 43 vjeç, banues në Tiranë, ka humbur jetën.