Presidenti i Këshillit Evropian ndalet në Shqipëri në kuadër të turit diplomatik në Ballkanin Perëndimor para samitit që do të mbahet më 5 qershor në Mal të Zi.

TIRANË – Presidenti i Këshillit Evropian, António Costa, zhvillon këtë të martë një vizitë zyrtare në Tiranë, në kuadër të turit diplomatik në gjashtë vendet e Ballkanit Perëndimor para Samitit BE–Ballkani Perëndimor.

Gjatë qëndrimit në Shqipëri, Costa do të takohet me kryeministrin Edi Rama dhe presidentin Bajram Begaj.

Në agjendën e vizitës është parashikuar edhe një takim me studentët e Kampusit të Tiranës të Kolegji i Evropës.

Sipas njoftimit zyrtar, pas takimit mes delegacioneve shqiptare dhe evropiane, Rama dhe Costa do të mbajnë një konferencë të përbashkët për shtyp.

Axhenda e vizitës 11:15 – 12:00 – Takim bilateral mes dy delegacioneve 12:15 – 12:45 – Konferencë e përbashkët për shtyp

Vizita zhvillohet në prag të Samiti BE–Ballkani Perëndimor, i cili do të mbahet më 5 qershor në Tivat.

Samiti organizohet gjashtë muaj pas takimit të fundit të zhvilluar në Bruksel dhe synon të riafirmojë angazhimin e Bashkimit Evropian për forcimin e marrëdhënieve me vendet e Ballkanit Perëndimor, si dhe për avancimin e procesit të integrimit evropian të rajonit.