MIANMAR – Një shpërthim i fuqishëm ka ndodhur këtë të diel në verilindje të Mianmarit, në një ndërtesë ku raportohet se ndodheshin materiale eksplozive të përdorura për miniera.

Sipas autoriteteve lokale, si pasojë e ngjarjes kanë humbur jetën mbi 46 persona, ndërsa rreth 70 të tjerë kanë mbetur të plagosur.

Në pamjet që qarkullojnë në rrjetet sociale, shihet momenti i shpërthimit, i shoqëruar me një re të madhe tymi dhe flakësh që ngrihen me shpejtësi në qiell, duke shkaktuar panik në zonë.

Ekipet e emergjencës dhe autoritetet lokale kanë mbërritur menjëherë në vendngjarje, duke nisur operacionet e kërkim-shpëtimit dhe ofrimin e ndihmës mjekësore për të lënduarit, si dhe evakuimin e banorëve të prekur nga shpërthimi.

Ndërkohë, shkaqet e ngjarjes mbeten ende të paqarta dhe janë nën hetim nga autoritetet përkatëse, të cilat po punojnë për të zbardhur rrethanat e plota të shpërthimit.

A serious #explosion occurred at noon on Sunday in Kaungtat village in Nankham township, #Myanmar. Thick smoke rose from the blast site, and several buildings were damaged. Local #fire and rescue teams have arrived at the scene to assist. The cause of the incident and details… pic.twitter.com/KNtYq4NelL

— CCTV Asia Pacific (@CCTVAsiaPacific) May 31, 2026