Tiranë – Nënkryetarja e Bashkisë së Tiranës, Anuela Ristani, ka zhvilluar një takim me nxënësit e shkollës “WAT”, në kuadër të një aktiviteti me fokus angazhimin qytetar dhe edukimin mbi funksionimin e institucioneve vendore.

Në takim ka qenë i pranishëm edhe Zaho Rama, i cili mori pjesë së bashku me nxënës të tjerë në aktivitetin e zhvilluar në ambientet e Këshillit Bashkiak.

Në një reagim në rrjetet sociale, Ristani vlerësoi pjesëmarrjen e të rinjve, duke theksuar se përfshirja e tyre në procese të tilla është një tregues pozitiv për të ardhmen e qytetit.

Takimi u fokusua në njohjen e nxënësve me punën e administratës vendore dhe mënyrën e funksionimit të vendimmarrjes në nivel bashkiak, si pjesë e aktiviteteve edukative me shkollat.

Postimi i plotë: 

"Pata kënaqësinë të mirëprisja në Bashkinë e Tiranës nxënësit e shkollës WAT. Një takim shumë i bukur, gjatë të cilit diskutuam për shumë çështje dhe më impresionuan me inteligjencën, kuriozitetin dhe idetë e tyre. Duke i dëgjuar, bindem edhe më shumë se e ardhmja e qytetit tonë do të jetë në duar të sigurta. Dyert e Bashkisë së Tiranës janë gjithmonë të hapura për ju dhe jeni kurdoherë të mirëpritur", shkruan Ristani