Një ngjarje tragjike ka tronditur Kenya, ku të paktën 16 nxënëse kanë humbur jetën si pasojë e një zjarri që përfshiu një shkollë me konvikt për vajza në qarkun Nakuru.

Sipas autoriteteve lokale, flakët shpërthyen gjatë natës në konviktin e Utumisi Girls Academy, ndërsa disa nxënëse të tjera mbetën të plagosura dhe po marrin trajtim mjekësor.

Mediat vendase raportojnë se zjarri ka nisur rreth orës 01:00 pas mesnate, sipas kohës lokale. Në vendngjarje ndërhynë menjëherë ekipet zjarrfikëse dhe forcat e policisë për të vënë nën kontroll flakët dhe për të evakuuar nxënëset nga godina.

Autoritetet konfirmuan se zjarri është shuar, por ekipet e shpëtimit vijojnë kontrollet në ambientet e konviktit për të verifikuar nëse ka persona të tjerë të bllokuar.

Shkaqet e zjarrit mbeten ende të paqarta, ndërsa policia ka nisur hetimet për zbardhjen e plotë të rrethanave të ngjarjes.

Kjo është një tjetër tragjedi e rëndë për sistemin arsimor në Kenia. Në vitin 2024, një zjarr në një shkollë fillore me konvikt në qarkun fqinj Nyeri shkaktoi vdekjen e 21 nxënësve.

16 students died following a dormitory fire at Utumishi Girls Academy in Gilgil, Kenya. At least 74 others have been admitted to hospital with injuries.The Kenya Red Cross says the incident was reported at 3:30 a.m. local time on Thursday.More updates to follow. pic.twitter.com/ZYvgbe07G9

— BBC News Africa (@BBCAfrica) May 28, 2026