Një aksident i rëndë hekurudhor është regjistruar në Belgjikë, ku një tren është përplasur me një autobus shkolle, duke shkaktuar vdekjen e katër personave, mes tyre edhe dy fëmijë.

Sipas mediave belge, ngjarja ndodhi pranë zonës së Buggenhout, në momentin kur treni po i afrohej stacionit dhe kishte nisur frenimin. Raportohet se në orën 08:08 autobusi hyri në kalimin hekurudhor, ndërkohë që barrierat e sigurisë ishin të mbyllura.

Autoritetet nuk kanë dhënë ende një bilanc të plotë për numrin e të plagosurve, ndërsa rreth 100 pasagjerë të trenit janë evakuuar dhe po marrin ndihmë nga ekipet e emergjencës.

Në autobusin shkollor ndodheshin shtatë nxënës, shoferi dhe një shoqërues.

Pas ngjarjes ka reaguar edhe Bernard Quintin, i cili përmes një postimi në rrjetet sociale shprehu ngushëllimet për viktimat dhe familjarët e tyre.

“Me hidhërim të madh mësova për aksidentin tragjik në Buggenhout, ku një autobus shkolle u godit nga një tren. Mendimet e mia janë me viktimat dhe të dashurit e tyre. U uroj forcë të plagosurve dhe falënderoj shërbimet e emergjencës për ndërhyrjen e tyre të menjëhershme”, deklaroi ai.

Autoritetet belge kanë nisur hetimet për të zbardhur shkaqet e plota të aksidentit.

🚨🇧🇪 BREAKING: Several people killed after a train collided with a school bus at a railway crossing in Buggenhout, Belgium. pic.twitter.com/P3eoONMTK3

— Nova Intel (@intel_nova) May 26, 2026