E shtuna e 16 majit solli edicionin e dytë të Zamna në Shqipëri, me një ndryshim të fundit minutës që i dha natës një dimension të papritur. Shiu i rëndë detyroi zhvendosjen e eventit dhe Pallati i Kongreseve u bë, për herë të parë, skenë e muzikës elektronike.

Festivali global i lindur në Tulum grumbulloi rreth 5-6 mijë vizitorë, mes tyre komunitetin ndërkombëtar të Zamna dhe audiencën lokale që po rritet me çdo edicion. Nata u ndërtua mbi katër artistë: Argia hapi eventin, Øostil vijoi, Miss Monique e ngriti intensitetin dhe ARTBAT e mbylli si akti kryesor.

Atmosfera brenda sallës historike ishte e papritur — kontrasti mes arkitekturës zyrtare të ndërtesës dhe energjisë së pistës e bëri hapësirën të funksiononte ndryshe nga çdo lokacion tjetër. Ata që ishin aty e dinë se çfarë ndodhi kur ARTBAT u ngjit në skenë.

IQOS, partner global i Zamna, ishte i pranishëm me një zonë të organizuar brenda eventit. Aktivizimet, buzzwire challenge, jenga dhe ring game, ofruan hapësirë ndërveprimi gjatë gjithë natës, ndërsa të rriturit duhanpirës ose përdorues IQOS kishin mundësinë të fitonin merchandise nga seria.

Tirana ka pritur evente ndërkombëtare edhe më parë. Por 16 maji tregoi diçka specifike: që publiku shqiptar është gati jo vetëm të marrë pjesë, por ta bëjë eventin të funksionojë. Dhe ky është ndryshimi.