Regjisori Petri Bozo, është personi i shoqëruar sot për aksidentin tragjik ku vdiq një fëmijë 7 vjeç.

Petri Bozo, 61 vjeç, u shoqërua dhe pritet të arrestohet në minutat në vijim, siç tha një zyrtar policor për noa.al.

Ngjarja ndodhi sot rreth orës 08:00, në aksin rrugor “Elbasan-Librazhd”, kur automjeti me drejtues Petro Bozon, 61 vjeç, ka përplasur një fëmijë rreth 7 vjeç, i cili si pasojë ka humbur jetën.

Drejtuesi i automjetit është shoqëruar në Komisariat, për veprime të mëtejshme.

Grupi hetimor në vendngjarje po punon për zbardhjen e rrethanave të aksidentit.

Kush është i dyshuari

Petri Bozo është një regjisor dhe producent i njohur shqiptar, i cili ka qenë sërish në qendër të vëmendjes së medias për shkak të një aksidenti rrugor tragjik në aksin Elbasan-Librazhd, ku u përfshi mjeti që ai drejtonte.

Është themelues i "Deliart Association", një kompani me të cilën ka prodhuar për dekada me radhë evente të njohura të bukurisë dhe televizive.

Njihet gjerësisht si producenti dhe regjisori i spektakleve Miss Shqipëria, Miss Globe, si dhe emisionit muzikor Netët e Klipit Shqiptar.

Është djali i kineastit të njohur Todi Bozo dhe inxhinieres e politikanes Luljeta Bozo. Ai është i martuar me skenaristen Alda Bida.