Në një rooftop panoramik në Tiranë, mes muzikës, networking-ut dhe një atmosfere që u shpërnda gjerësisht në rrjetet sociale, Vatra dhe V/LAB sollën “Through Jungle to the Sky”, një event që synonte të komunikonte më shumë sesa një estetikë të kuruar mbrëmjeje.

Në qendër të konceptit ishte V/LAB, një inkubator talentesh brenda Vatra, i fokusuar në scouting dhe zhvillimin e creator-ëve të rinj me ekspertizë në fusha specifike dhe aftësi për të krijuar content autentik.

Qasja e këtij unit-i bazohet në zhvillimin e profileve publike që ndërtojnë ndikim përmes njohurive dhe identitetit profesional, duke krijuar lidhje më organike mes creator-ëve dhe brand-eve.

Në një kohë kur audiencat janë gjithnjë e më selektive ndaj informacionit që konsumojnë, filozofia pas V/LAB mbështetet te ideja që ndikimi ka më shumë vlerë kur buron nga kompetenca dhe besueshmëria.

Kjo qasje është ndërtuar mbi eksperiencën e Eri Kokona, e cila prej vitesh ka ndjekur nga afër marrëdhënien mes figurave publike, audiencës dhe mënyrës si ndërtohet besimi.

View this post on Instagram

A post shared by Vatra Lab – Talent Development (@vatra_lab)

Sipas këtij vizioni, publiku meriton më shumë autenticitet dhe frymëzim të bazuar në ekspertizë, ndërsa kompanitë kanë nevojë për transparencë më të madhe në përzgjedhjen e brand ambassadorëve dhe bashkëpunëtorëve që përfaqësojnë vlerat e tyre.

Për CEO-n e Vatra, Gerton Bejo, simbolika e eventit lidhej drejtpërdrejt me sfidat e komunikimit modern.

“Jetojmë në një xhungël informacioni, ku zhurma shpesh mbulon të vërtetën. Qasja jonë është të ngjitemi drejt qiellit, drejt qartësisë dhe autenticitetit që duhet të kenë influencer-at e ditëve të sotme”, u shpreh ai.

Mbrëmja u ndërtua si një eksperiencë me tre etapa; instinkti i xhunglës, pulsi urban dhe vetëdijësimi qiellor dhe kulmoi me spektaklin e dronëve, ndërsa performancat e DJ-ve Flo Ross, Martyr dhe R10 i dhanë ritmin final eventit.

Përtej impaktit vizual dhe vëmendjes në rrjete sociale, “Through Jungle to the Sky” shërbeu edhe si prezantim i një filozofie të qartë: creator economy ka më shumë vlerë kur ndërtohet mbi autenticitet, ekspertizë dhe përfaqësim të besueshëm.