Është shuar në moshën 84 vjeçare mjeshtri i kinematografisë dhe ekranit shqiptar, Birçe Hasko.

Një aktor që me talentin, zërin dhe shpirtin artistik ka ditur të prekë zemrat e publikut përmes roleve të tij në teatër dhe në ekran, Birçe Hasko u lind më 15 mars 1942 në Dukat të Vlorës.

Me interpretimin e tij të fuqishëm dhe me përkushtimin ndaj artit, ai është bërë një emër i dashur dhe i vlerësuar në kulturën shqiptare.

Birçe Hasko përfundoi shkollën e mesme punon për tu angazhuar si mësues në Memaliaj.

Atje nisi karriera artistike, me trupën e Estradës amatore të qytetit.

Në vitin 1965 filloi studimet për aktor në Institutin e Lartë të Arteve (sot Akademia e Arteve).

Pas diplomimit mbahet pedagog pranë këtij Instituti punë të cilën e vazhdoi shumë vite duke dhënë lëndën e Mjeshtërisë së Aktorit.

Për punën e tij akademike i është dhënë titulli “Profesor” .

Në teatër ka interpretuar mbi 12 role. Roli i tij më i realizuar është ai i Milos në komedinë “Shi në plazh” shkruar nga Teodor Laço.

Po ashtu një kontribut të çmuar ka edhe në kinematografinë shqiptare, ku ka interpretuar me dhjetëra role.

Roli i tij i parë në kinematografi është në vitin 1971 në rolin e ballistit në filmin “Kur zbardhi një ditë”.

Më tej do të vazhdonin rolet e tij në shumë filma si ai i Mete Jahos tek filmi “Radiostacioni” në vitin 1979, roli i Syrjait në filmin “Skëterrë 43” në vitin 1980, roli i mësuesit në filmin “Gurët e shtëpisë sime” në vitin 1985 si dhe shumë role në filma të tjerë për të mbërritur në rolin e tij më të fundit në filmin "Kronikë Provinciale" në vitin 2009. Në vitin 1995, merr titullin Profesor.

Në vitin 1976, urdhri “Naim Frashëri”, klasi i dytë , në vitin 1988 “Artist i Merituar”.

18 Prill 1987, Medalionin e Festivalit për interpretimin e rolit të Dajës në filmin “Dhe vjen një ditë” në Festivalin e VII-të të Filmit Shqiptar të zhvilluar në Tiranë nga data 13 deri në 18 prill të vitit 1987.

22 Prill 1989, Çmimi i III-të për interpretimin e rolit të Babait të Danës në filmin “Shkëlqim i përkohshëm” në Festivalin e VIII-të të Filmit Shqiptar të zhvilluar në Tiranë nga data 18 deri më 22 prill të vitit 1989.

Në vitin 2002 merr titullin “Mjeshtër i Madh” ne vitin 2007 shpallet “Qytetar Nderi” i Orikumit. Birce Hasko është aktor popullor në Shqipëri, ai ka lozur në më shumë se 30 filma.