Studentë dhe qytetarë shqiptarë nga Maqedonia e Veriut dorëzuan këtë të premte një peticion në Ministrinë për Europën dhe Punët e Jashtme kundër shkarkimit të ambasadorit shqiptar në RMV, Denion Meidani.

Nevrij Ademi, një nga nismëtarët e peticionit, njoftoi se janë mbledhur dy mijë firma. Ky është peticioni i dytë i dorëzuar në Ministri, pas një peticioni online disa ditë më parë me mbi 3 mijë firma.

Studentët kanë kërkuar takim me ministrin Hoxha, i cili ishte në një udhëtim zyrtar. Ademi theksoi se Meidani është një ambasador që ka treguar kujdes për shqiptarët në RMV, duke e konsideruar largimin e tij si një “goditje të rëndë” për studentët.

Nga ana e tij, Meidani nuk kishte dijeni për peticionin dhe mësoi për të përmes statusëve online. Ende nuk ka një përgjigje zyrtare lidhur me dhënien e provimeve të jurisprudencës në gjuhën shqipe.