Sulmuesi i FC Barcelona, Lamine Yamal, është parë duke shëtitur dorë për dore me influencuesen spanjolle Inés García gjatë një udhëtimi në ishullin e Zakynthos, duke shtuar zërat për një lidhje të mundshme mes tyre.

Pamjet e çiftit në Greqi kanë qarkulluar me shpejtësi në rrjetet sociale, ndërsa dyshja ende nuk ka reaguar publikisht lidhur me raportin e tyre. Megjithatë, fakti që ata ndjekin njëri-tjetrin në Instagram dhe ndërveprimet e vazhdueshme në rrjet kanë nxitur prej javësh spekulimet për një romancë.

Thashethemet u shtuan edhe më shumë gjatë një transmetimi të drejtpërdrejtë të Kings League, ku një mik i futbollistit përmendi me humor emrin e Inés García, duke shkaktuar reagime dhe komente të menjëhershme mes të pranishmëve.

Së fundmi, Lamine Yamal i dha fund lidhjes së tij me këngëtaren argjentinase Nicki Nicole, ndërsa Inés García u bë e njohur në Spanjë gjatë këtij viti pas paraqitjeve të saj në Feria de Abril në Sevilje.

Aktualisht, talenti i Barcelonës ndodhet në fazë rikuperimi pas një dëmtimi dhe pritet të mungojë në ndeshjen e fundit të sezonit ndaj Valencias. Megjithatë, mediat spanjolle raportojnë se aktivizimi i tij me kombëtaren e Spanjës në Kupën e Botës nuk vihet në dyshim.

🎥 | Lamine Yamal with Inés García in Greece today. 🤩🇬🇷❤️ pic.twitter.com/yvHXWueGtm

— Access Yamal (@AccessYamal) May 19, 2026