Ish-banori i “Big Brother VIP 5”, Shëndrit Lumi, ka realizuar një telefonatë në formë shakaje me fituesen e edicionit të fundit, Selin Bollati, duke e vënë në provë reagimin e saj.

Sipas bisedës së publikuar, Shëndrit Lumi i është paraqitur në telefon sikur kishte pësuar një incident dhe ndodhej në vështirësi, duke pretenduar se nuk mund të lëvizte dhe kishte nevojë për ndihmë financiare dhe mjekësore.

Në përgjigje, Selin Bollati ka reaguar menjëherë duke i ofruar ndihmë, madje duke shprehur gatishmëri për ta marrë dhe për të mbuluar shpenzimet mjekësore, pa e ditur se bëhej fjalë për një shaka.

Më pas u bë e qartë se telefonata ishte një lojë mes dy ish-banoreve të njohur të formatit televiziv “Big Brother VIP”, të cilët kanë ruajtur miqësinë e tyre edhe pas përfundimit të spektaklit.