Meghan Markle ka ndarë një moment të ëmbël me vajzën e saj 4-vjeçare, Lilibet, duke treguar se e vogla ka trashëguar qartë tiparin më të dallueshëm të babait të saj, Princ Harry-t: flokët e kuq.

Në një postim në Instagram më 16 maj, Meghan publikoi një selfie para pasqyrës në garderobën e saj, ndërsa Lilibet shihej pranë saj me shpinë nga kamera. Me flokët e kapura bisht, nuanca e kuqe e flokëve të vogëlushes binte menjëherë në sy, duke e bërë ngjashmërinë me Harry-n të dukshme.

“Mama’s little helper” (“Ndihmësja e vogël e mamit”), shkroi Meghan krahas fotos, duke e shoqëruar me një zemër vjollcë.

Përveç ngjashmërisë me babain, duket se Lilibet ka trashëguar edhe dashurinë e Meghan për stilin dhe modën.

Së fundmi, Meghan festoi edhe ditëlindjen e djalit të saj Archie, i cili mbushi 7 vjeç. Për këtë rast, ajo ndau një foto të rrallë nga koha kur Archie ishte foshnjë, i shtrirë mbi kraharorin e Princ Harry-t.

“7 vite më vonë. Gëzuar ditëlindjen djalit tonë të ëmbël,” shkroi Meghan.

Edhe pse Meghan dhe Harry njihen për ruajtjen e privatësisë së jetës familjare, Meghan ka folur hapur për mënyrën se si mëmësia e ka ndihmuar edhe në jetën profesionale.

Në një intervistë për Harper’s Bazaar, ajo tregoi se të qenit nënë e ka bërë më të fortë dhe më të kuptueshme me veten.

“Jam nënë e fëmijëve në një moshë ku mësojnë diçka të re çdo ditë. I shoh të përballen me gjëra që për ta duken të pamundura, por më pas i kapërcejnë. Kjo më kujton t’i jap edhe vetes të njëjtën durim dhe mirëkuptim. Nuk ekziston përsosmëria,” u shpreh ajo.

Meghan tha gjithashtu se shpreson që fëmijët e saj të trashëgojnë guximin dhe shpirtin sipërmarrës.

“Shpresoj të kuptojnë vlerën e të qenit të guximshëm. Kur je i ri, ke më pak frikë. Me kalimin e viteve, e humbasim pak atë ndjesi.”

Ajo foli edhe për mbështetjen që merr nga Princ Harry, duke theksuar forcën e marrëdhënies së tyre.

“Ai më do plotësisht dhe pa hezitim. Askush në botë nuk më do më shumë se ai. E di që gjithmonë do të jetë pranë meje dhe do të më mbështesë.”