Më 16 maj 2026, Kryepiskopi Joan, i ftuar nga Patriarku Ekumenik Bartholome, filloi një pelegrinazh tre-ditor në Kapadoki. Gjatë këtij udhëtimi, të dy Primatët së bashku me shoqëruesit e tyre zhvilluan vizita zyrtare tek Prefekti i Nevşehir-it dhe Kryetari i Bashkisë së qytetit.

Në kuadër të programit, ata vizituan Kishën e Heshtur të Kryqit të Nderuar në Cemil, duke nënvizuar rëndësinë historike dhe fetare të vendit.

Sot, më 17 maj 2026, Kryepiskopi Joan dhe Patriarku Bartholome bashkëmeshuan në Kishën e Shën Theodhorit të Malakope (Derinkuyu). Pasdite, pelegrinazhi do të vijojë me Mbrëmësoren në Kishën e Hyjlindëses së Nevşehir.

Kryepiskopi Joan shoqërohet nga Hirësi Ignati dhe Kryedhjakon Johani, të cilët zhvilluan një takim jozyrtar me Patriarkun Bartholome ditën e premte, përpara nisjes së pelegrinazhit.