Përditësim live: Ndërsa shqiptarët janë të entuziazmuar për këngën që përfaqëson vendin në Eurovision 2026, votat e jurive kombëtare të shteteve si zakonisht nuk zhgënjejnë. Ato edhe këtë vit ishin kryesisht qoka gjeografike.

Ndër 35 shtete, Portugalia dha pikët maksimale, 12, për Shqipërinë, ndërsa pjesa më e madhe e vendeve e vlerësuan me pikë minimale.

Nga 25 këngë finaliste, Shqipëria u rendit e 13-ta me 51 pikë në më shumë se gjysmën e shteteve që japin pikët e tyre.

Ndërsa vijoi dhënia e pikëve nga pjesa e mbetur e shteteve, ndryshimi ishte i pandjeshëm për Shqipërinë. Ajo përfundimisht u rendit e 14-a me 60 pikë.

Italia e cila mori 12 pikët maksimale nga Shqipëria, nuk i dha vendit tonë asnjë pikë, ndërsa pikët maksimale ia dha Belgjikës.

E para në renditje nga votat e jurive kombëtare të 35 shteteve ishte Bullgaria me 204 pikë.

Në vijim pritet që të publikohen dhe votat e publikut. Mbetet të shohim nëse do të përmbytet rezultati duke e ngritur Shqipërinë në renditje.