Aktori i njohur amerikan John Travolta është vlerësuar me çmimin nderi “Palme d’Or” gjatë edicionit të 79-të të Cannes Film Festival 2026, duke marrë një nderim surprizë për karrierën e tij të gjatë në kinematografi.

Travolta ndodhej në festival për premierën e projektit të tij si regjisor, “Propeller One-Way Night Coach”, kur organizatorët e festivalit i rezervuan një moment të veçantë nderimi për kontributin e tij në industrinë e filmit.

Pas marrjes së çmimit, aktori reagoi i emocionuar, duke u shprehur se vlerësimi për të përfaqëson një moment të jashtëzakonshëm në karrierën e tij.

“Nuk jam ndjerë kurrë më krenar për një çmim. Palma e Artë për mua përfaqëson artin në formën e tij më të lartë. Jam shumë i përulur për këtë moment”, u shpreh Travolta.

Gjatë ceremonisë, aktori tha se nuk e kishte pritur këtë nderim, duke e cilësuar si një surprizë të madhe nga organizatorët. Ai falënderoi drejtuesit e festivalit dhe theksoi se pjesëmarrja në Kanë kishte qenë tashmë një eksperiencë e veçantë, ndërsa ky vlerësim e bëri atë edhe më emocionuese.

Organizatorët e festivalit theksuan se çmimi i jepet për kontributin e tij të gjatë në kinematografi dhe ndikimin e tij në industrinë e filmit.