TIRANË – Këngëtarja e njohur shqiptare Dafina Zeqiri ka zbuluar një lajm të bukur për publikun, duke konfirmuar se është shtatzënë për herë të dytë.

Deklarata u bë gjatë koncertit të saj madhështor “Supernova”, i zhvilluar mbrëmjen e 15 majit në Sheshin Skënderbej në Tiranë. Mes emocioneve dhe duartrokitjeve të fansave, Dafina surprizoi të gjithë me lajmin spontan nga skena.

“Daskani do bëhet vëlla i madh. Ju thashë që me Kreshnikun do bëjmë një skuadër futbolli,” tha ajo me humor dhe emocion.

Kujtojmë se në korrik të vitit 2025, Dafina dhe partneri i saj, Kreshnik Gjergji, u bënë prindër për herë të parë me ardhjen në jetë të djalit të tyre, Daskan. Tani, familja e tyre do të zgjerohet sërish shumë shpejt.

Lajmi është pritur me entuziazëm nga fansat, të cilët kanë shpërthyer me urime dhe mesazhe pozitive për këngëtaren dhe familjen e saj.