Prishtinë, 15 maj 2026 – Komisionerja e Bashkimit Evropian për Zgjerim, Marta Kos, po zhvillon sot vizitën e saj të parë zyrtare në Kosovë që prej marrjes së detyrës në vitin 2024.

Gjatë vizitës, ajo do të takohet me ushtruesen e detyrës së presidentes së Kosovës, Albulena Haxhiu, me takim të planifikuar në orën 10:00.

Më pas, në orën 10:45, Kos pritet të zhvillojë takim edhe me kryeministrin në detyrë, Albin Kurti, ku do të diskutohen çështje të procesit të integrimit evropian dhe bashkëpunimit mes Kosovës dhe BE-së.

Sipas njoftimeve zyrtare, kjo është vizita e parë e saj në Kosovë në këtë funksion, pasi një udhëtim i planifikuar më herët ishte anuluar për shkak të zhvillimeve politike në vend.