VIENË – Shqipëria ka hyrë në fazën më emocionuese të Eurovision Song Contest 2026 me performancën e këngëtarit Alis Kallaçi, i cili interpretoi këngën “Nân”. Alis doli i 13-ti në renditje gjatë mbrëmjes dhe e mbylli performancën e tij live me një “falemnderit” në shqip, duke fituar simpatinë e publikut.

Kënga shqiptare ka tërhequr vëmendje pozitive që nga provat zyrtare në skenën e Eurovizionit, ndërsa mediat ndërkombëtare e përfshinë Shqipërinë ndër vendet që mund të rezervojnë surpriza në votime.

Performanca e Alisit vlerësohet për energjinë, interpretimin emocional dhe prezencën skenike, duke rritur pritshmëritë e fansave për një rezultat të fortë në këtë edicion të madh të festivalit europian të muzikës.