Albania renditet ndër tre vendet me cilësinë më të dobët të ujit të pijshëm në Europë, sipas të dhënave të publikuara nga Atlasi i Ujit dhe Indeksi i Performancës Mjedisore.

Raporti i fundit i jep Shqipërisë vetëm 54.1 pikë, duke e pozicionuar pas Moldova dhe Georgia, të cilat rezultojnë me performancën më të ulët në kontinent për cilësinë e ujit të pijshëm.

Në krahun tjetër, vendet me standardet më të larta të sigurisë së ujit janë Finland, Iceland, Netherlands, Norway, Switzerland dhe United Kingdom, të cilat kanë marrë vlerësimin maksimal për cilësinë e ujit të pijshëm.

Sipas raportit, ujërat nëntokësore mbeten burimi kryesor i furnizimit me ujë në European Union, duke mbuluar rreth 65% të ujit të pijshëm dhe 25% të nevojave për vaditje në bujqësi.

Megjithatë, më shumë se 20% e ujërave nëntokësore në Bashkimin Europian rezultojnë me status të dobët kimik, për shkak të ndotjes nga substanca të rrezikshme si merkuri, kadmiumi dhe pesticidet.

Situata më problematike raportohet në Luxembourg, ku 79% e ujërave nëntokësore nuk plotësojnë standardet kimike të kërkuara. Probleme të ngjashme janë evidentuar edhe në Czech Republic, Belgium dhe Germany.

Sipas European Commission, niveli maksimal i nitrateve është tejkaluar në 14% të stacioneve matëse në Europë, duke ngritur shqetësime të vazhdueshme për sigurinë dhe cilësinë e ujit.