Hyrja e Inida Gjata, e njohur si Zhaku, dhe Kostana Morava në Ferma VIP ka shkaktuar tensione dhe përplasje mes konkurrentëve. Zhaku deklaroi se hyrja e saj kishte si qëllim mbështetjen e mikeshës së saj, Mozës.

Megjithatë, marrëdhënia mes tyre ka filluar të kriset vetëm pak kohë pas hyrjes së Zhakut. Debatet dhe thumbat mes dy mikeshave u bënë të dukshme gjatë Prime-t të mbrëmjes së djeshme, duke vazhduar edhe pas spektaklit. Moza akuzoi Zhakun për një histori me ish-bashkëshortin e saj, ndërsa Zhaku e kundërshtoi, duke pohuar se nuk ka asnjë lidhje me bashkëshortin e Mozës dhe duke akuzuar Mozën për mungesë respekti dhe manipulim.

Konflikti i fundit ka treguar një zhvendosje të marrëdhënieve brenda shtëpisë së Ferma VIP, duke ndryshuar dinamikën dhe atmosferën e programit.

Debati:

Zhaku: “Ne nuk kemi vetëm bashkëpunime bashkë. Kemi histori, kemi njohje familjare.”

Moza: “Unë nuk kam histori me ty. Unë kam vetëm bashkëpunime artistike.”

Zhaku: “Ti mund të mos kesh, por kam unë. Dhe ti nuk ke respekt për historinë që kemi ne.”

Moza: “Ti mund të kesh histori me bashkëshortin tim, me mua nuk ke histori.”

Zhaku: “Unë nuk kam histori me bashkëshortin tënd, kam me ty. Por ti je njeri servil dhe i pafytyrë, manipulatore ekselente.”

Moza: “Unë do t’i jap çdo njeriu hakun.”