LEZHË – Ministria e Shëndetësisë ka reaguar në lidhje me gjendjen shëndetësore të ish-kryetarit të Partisë Demokratike në Lezhë, Sokol Toma, pas incidentit të dhunshëm ndaj tij.

Në njoftimin zyrtar bëhet me dije se Toma ndodhet nën monitorim intensiv në urgjencën e Spitalit Universitar të Traumës, ku po merr trajtim mjekësor për dëmtime në gjymtyrët e poshtme dhe në vesh.

Sipas Ministrisë së Shëndetësisë, ai është i vetëdijshëm dhe në gjendje të stabilizuar.

“Pacienti S.T. ndodhet në monitorim intensiv në urgjencën e Spitalit Universitar të Traumës, me dëmtime në gjymtyrët e poshtme dhe dëmtime në vesh. Është koshient dhe në gjendje të stabilizuar. Do të vijojë të marrë trajtim në SUT”, thuhet në reagimin zyrtar të Ministrisë së Shëndetësisë.