Drejtoria e policisë Elbasan njoftoi pakkush më parë se ka përfunduar operacionin e koduar “Grupi”, që kishte për qëllim goditjen e aktivitetit kriminal në fushën e trafikimit dhe shpërndarjes së lëndëve narkotike në qarkun Elbasan, në qytetet Elbasan, Librazhd dhe Prrenjas.

Operacioni u zhvillua nga Sektori për Hetimin e Narkotikëve dhe Trafiqeve të Paligjshme në DVP Elbasan, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, me mbështetjen e Forcës Kombëtare të Sigurisë, Njësia Fier.

Në kuadër të tij, nga Prokuroria Elbasan janë lëshuar gjithsej 24 urdhra ndalimi, ki u ekzekutuan 16. Prej tyre, 8 urdhra ndalimi janë ekzekutuar gjatë operacionit të sotëm dhe 8 të tjerë gjatë periudhës hetimore njëvjeçare.

Ndonëse ishin 24 urdhër arreste, 8 nuk u realizuan dor sepse të dyshuarit nuk u gjetën, por policia thotë se po vijon puna për lokalizimin dhe kapjen edhe të 8 shtetasve të tjerë, të cilët gjatë operacionit nuk u gjetën në banesa.

Ndërkohë, gjatë operacionit të zhvilluar ditën e sotme, është kapur edhe 1 shtetas i shpallur në kërkim dhe është arrestuar në flagrancë një tjetër për veprimtari kriminale në fushën e narkotikëve.

Aksioni policor nuk doli pa gjë dhe në aspektin e "mallit", sepse u sekuestruan 9 kg lëndë narkotike kanabis, një pjesë e ndarë në doza gati për shitje, rreth 100 gramë kokainë, një pjesë gati për shitje, 5 peshore elektronike, 7 automjete dhe 17 aparate celularë.

Mes të arrestuarve janë Agron Biba, Rinor Hajdari, Indrit Shahinaj, Lulezim Feta dhe  Mynyr Çepi, raporton noa.al.

"Gjatë operacionit të zhvilluar mëngjesin e sotëm, u bë e mundur ekzekutimi i 8 urdhrave të ndalimit për shtetasit I. Sh., 38 vjeç; R. Z., 52 vjeç; G. Ç., 23 vjeç; A. B., 49 vjeç; N. S., 39 vjeç; L. F., 33 vjeç; J. I., 31 vjeç dhe M. Ç., 32 vjeç.

Gjithashtu, gjatë operacionit u bë arrestimi në flagrancë i shtetasit R. H., 39 vjeç, si dhe u kap shtetasi në kërkim P. Q., 54 vjeç, i shpallur në kërkim nga Gjykata e Shkallës së Parë e Juridiksionit të Përgjithshëm Durrës për veprën penale “Menaxhimi i mbetjeve”, kryer në bashkëpunim.

Gjithashtu, u ekzekutuan 27 vendime të Gjykatës për kontrolle banesash dhe ambientesh të ndryshme", tha zyrtarisht policia. /noa.al