Ushtruesja e detyrës së presidentes së Kosovës, Albulena Haxhiu, ka shpallur zyrtarisht datën e zgjedhjeve të parakohshme parlamentare, të cilat do të mbahen më 7 qershor.

Në deklaratën e saj, Haxhiu theksoi se vendimi është marrë pas konsultimeve me partitë politike, duke marrë në konsideratë afatet kushtetuese, përgatitjet e Komisioni Qendror i Zgjedhjeve dhe nevojën për pjesëmarrje sa më të gjerë të qytetarëve në procesin zgjedhor.

Vendimi erdhi pas një takimi me përfaqësues të spektrit politik, ku 15 nga 17 partitë e ftuara morën pjesë dhe diskutuan mbi dy datat e propozuara: 31 maj dhe 7 qershor.

Sipas deklarimeve pas takimit, shumica e partive, përfshirë edhe disa nga forcat kryesore politike, ranë dakord që zgjedhjet të zhvillohen më 7 qershor, duke e bërë këtë datë konsensuale për procesin e ardhshëm zgjedhor në Kosovo.