Në mes të ngërçit politik në Kosova, ushtruesja e detyrës së presidentit, Albulena Haxhiu, do të zhvillojë sot një takim konsultativ me përfaqësues të partive politike për të diskutuar caktimin e datës së zgjedhjeve të reja.

Takimi pritet të mbahet në orën 15:00, ndërsa në të janë ftuar të gjitha subjektet politike parlamentare dhe jashtëparlamentare, në përpjekje për të arritur një konsensus mbi hapat e mëtejshëm institucionalë.

Në këtë tryezë do të marrin pjesë figura kryesore të skenës politike, përfshirë kreun e Partia Demokratike e Kosovës, Bedri Hamza. Nga Lidhja Demokratike e Kosovës do të jetë Jehona Lushaku-Sadriu, ndërsa Aleanca për Ardhmërinë e Kosovës do të përfaqësohet nga Ardian Gjini.

Gjithashtu, përfaqësuesit e komuniteteve joshumicë kanë konfirmuar pjesëmarrjen e tyre në këtë takim, duke shprehur njëkohësisht edhe preferencat për datën e mbajtjes së zgjedhjeve.

Ky takim konsiderohet një hap i rëndësishëm për zhbllokimin e situatës politike në vend dhe për rikthimin e funksionimit të plotë institucional përmes një procesi të ri zgjedhor.