Presidenti i Donald Trump ka deklaruar se administrata amerikane pritet të publikojë së shpejti informacione nga dosjet zyrtare mbi objektet fluturuese të paidentifikuara (UFO).

Sipas deklaratës së tij, materialet që do të bëhen publike lidhen me hetime të qeverisë amerikane mbi fenomenet ajrore të pashpjeguara dhe mundësinë e ekzistencës së jetës jashtëtokësore.

Trump ka theksuar se ka pasur një interes të madh publik mbi këtë çështje dhe se transparenca ndaj qytetarëve është e domosdoshme.

Më herët, ai kishte urdhëruar agjencitë federale të nisnin procesin e deklasifikimit të dokumenteve qeveritare që lidhen me UFO-t, duke kërkuar gjithashtu rishikimin e materialeve të klasifikuara.

Në deklaratat e tij, Trump ka akuzuar edhe ish-presidentin Barack Obama për menaxhim të papërshtatshëm të informacionit të klasifikuar, ndërsa çështja e UFO-ve ka mbetur prej vitesh një temë e ndjeshme dhe e diskutuar gjerësisht në opinionin publik amerikan dhe ndërkombëtar.

Autoritetet amerikane nuk kanë dhënë ende një datë konkrete për publikimin e dokumenteve, por deklaratat e fundit kanë rikthyer vëmendjen globale mbi dosjet e UFO-ve dhe transparencën shtetërore në lidhje me to.