Prishtinë, 28 prill 2026 – Pas përfundimit të seancës së jashtëzakonshme për zgjedhjen e Presidentit të Kosovës, Lidhja Demokratike e Kosovës (LDK) ka dorëzuar listën me 15 nënshkrime të deputetëve të saj në mbështetje të kandidaturës së Vjosa Osmanit.

Kryetari i LDK-së, Lumir Abdixhiku, deklaroi se këto nënshkrime garantojnë 15 vota për Osmanin në procesin e zgjedhjes së presidentit, duke theksuar se partia ka përmbushur detyrimet e saj kushtetuese.

Sipas LDK-së, në seancën e thirrur për zgjedhjen e presidentit, Lëvizja Vetëvendosje ka iniciuar përmbysjen e rendit kushtetues, duke nisur procesin e votimit pa kuorumin e nevojshëm.

“LDK-ja nënvizon fuqishëm se Republika nuk mund të merret peng. Rendi kushtetues nuk është i negociueshëm. Për aktin e sotëm do të ketë përgjegjësi politike, institucionale dhe nacionale”, u shpreh Abdixhiku.