Në Kuvendin e Kosovës është zhvilluar raundi i parë i votimit për dy kandidaturat e propozuara për President të vendit nga Lëvizja Vetëvendosje.

Sipas rezultateve zyrtare, kandidatura e Feride Rushiti ka marrë 63 vota nga 64 deputetë që morën pjesë në proces, ndërsa një votë është shpallur e pavlefshme. Kandidatura tjetër, Hatixhe Hoxha, nuk ka marrë asnjë votë.

Seanca plenare është shtyrë dhe pritet të vazhdojë nesër në orën 10:00, ku do të vijojë procedura e votimit në Kuvend.

Feride Rushiti është themeluese dhe drejtuese e Qendra Kosovare për Rehabilitimin e të Mbijetuarve të Torturës (QKRMT), e krijuar në vitin 1999 me mision rehabilitimin e viktimave të torturës dhe promovimin e të drejtave të njeriut në Kosovë.

Në vitin 2025, ajo u nominua për Çmimin Nobel për Paqe, ndërsa në vitin 2018 u nderua me Çmimin për Guximin e Gruas nga Departamenti Amerikan i Shtetit, në vlerësim të punës së saj në mbrojtje të të drejtave të njeriut dhe ndihmës ndaj të mbijetuarve të dhunës.