Të dhënat po ngarkohen...
Transmetuar më 26-04-2026, 08:31
Lezhë, 26 prill 2026 – Një aksident i rëndë rrugor me pasoja fatale ka ndodhur mbrëmjen e 25 prillit në zonën e Lezhës, ku kanë humbur jetën Anton Keçi, 54 vjeç, mjek, dhe vajza e tij, Bora Keçi, 20 vjeçe, studente e mjekësisë.
Sipas burimeve zyrtare, rreth orës 21:45, në Komisariatin e Policisë Lezhë është paraqitur djali i familjes, i cili ka kallëzuar se kishte humbur kontaktet me babanë dhe motrën e tij, të cilët ishin nisur me automjet në drejtim të punës.
Menjëherë pas njoftimit, shërbimet e Policisë kanë nisur kërkimet për gjetjen e tyre. Automjeti është lokalizuar në fshatin Gocaj, pranë fabrikës së çimentos, në një rrugë dytësore, ku kishte përfunduar në një kanal me ujë.
Pas nxjerrjes së mjetit, brenda tij janë gjetur pa shenja jete Anton Keçi dhe Bora Keçi, babë e bijë.
Nga hetimet paraprake dyshohet se automjeti ka dalë nga rruga si pasojë e humbjes së kontrollit nga drejtuesja, 20-vjeçarja.
Grupi hetimor vijon punën për sqarimin e plotë të rrethanave dhe dokumentimin ligjor të ngjarjes.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd