Një operacion policor është zhvilluar në zonën pranë rrugës “Sami Frashëri” në Tiranë, në kuadër të goditjes së aktiviteteve të dyshuara si call center-a të paligjshme.

Operacioni është realizuar në bashkëpunim me autoritetet franceze, si pjesë e hetimeve ndërkombëtare për veprimtari të dyshuara mashtruese.

Gjatë ndërhyrjes, është shoqëruar të paktën një punonjës policie, ndërsa burime nga hetimi nuk përjashtojnë që numri i personave të përfshirë të zgjerohet në vijim të verifikimeve.

Autoritetet vijojnë hetimet për të sqaruar rolin e secilit të përfshirë dhe për të dokumentuar plotësisht aktivitetin e dyshuar.