“Më falni, protokolli im nuk më njoftoi…” – Rama vihet në siklet për veshjen e tij përballë kryeministrit grek Mitsotakis

Një moment i pazakontë është regjistruar gjatë takimit në Athinë mes Kryeministrit Edi Rama dhe homologut grek Kyriakos Mitsotakis, ku vëmendjen nuk e morën vetëm diskutimet politike, por edhe një koment i vetë Ramës për veshjen e tij.

Gjatë fjalës së tij, Rama kërkoi ndjesë për paraqitjen joformale, duke theksuar se nuk e kishte pritur një pritje kaq zyrtare.

“Ju kërkoj ndjesë që nuk jam veshur aq zyrtarisht sa ju, pasi nuk e prisja një pritje të tillë. Shpresoj që mediat greke të mos e interpretojnë ndryshe, por vetëm si mungesë informacioni nga protokolli im”, u shpreh Rama.

Nga ana e tij, Kryeministri grek Mitsotakis iu përgjigj me një ton miqësor, duke e kaluar situatën me humor.

“E dimë që ju jeni gjithmonë shumë kreativ në mënyrën se si visheni, dhe kjo na pëlqen”, tha ai.

Dialogu për këtë pjesë:

Edhe një herë, ju falënderoj shumë, zoti Kryeministër. Është nder për mua të jem këtu dhe kërkoj ndjesë që nuk jam veshur aq zyrtarisht sa ju, pasi nuk e prisja një pritje të tillë. Shpresoj që mediat greke të mos e interpretojnë ndryshe, por vetëm si mungesë informacioni nga protokolli im.

Kyriakos Mitsotakis: E dimë që ju jeni gjithmonë shumë kreativ në mënyrën se si visheni, dhe kjo na pëlqen.