Të dhënat po ngarkohen...
Transmetuar më 20-04-2026, 16:09
Një telefonatë alarmuese është regjistruar rreth orës 14:30 në Sallën Operative të Policisë në Fier, ku një 68-vjeçar ka deklaruar se kishte vrarë bashkëshorten e tij.
Sipas informacionit paraprak, shtetasi me inicialet S. T., banues në fshatin Dukas, Patos, ka njoftuar autoritetet për një krim të rëndë në familje. Menjëherë pas marrjes së telefonatës, shërbimet e policisë janë nisur drejt vendngjarjes dhe kanë vendosur kontakt me telefonuesin.
Nga verifikimet e kryera në terren rezultoi se njoftimi ishte i rremë. Shtetasja Sh. T., 64 vjeçe, u gjet në banesë në gjendje të mirë shëndetësore.
Burime zyrtare bëjnë me dije se 68-vjeçari dyshohet se ka qenë në gjendje të dehur në momentin e telefonatës. Ai është shoqëruar në komisariat për veprime të mëtejshme procedurale.
Fier/Informacion paraprak
Rreth orës 14:30, në Sallën Operative të DVP Fier, ka telefonuar shtetasi S. T., 68 vjeç, banues në fshatin Dukas, Patos, i cili ka deklaruar se kishte vrarë bashkëshorten e tij, shtetasen Sh. T., 64 vjeçe.
Menjëherë pas marrjes së njoftimit, shërbimet e Policisë janë nisur drejt vendngjarjes dhe kanë kontaktuar me telefonuesin.
Nga verifikimet e kryera rezultoi se shtetasi S. T., në gjendje të dehur, kishte bërë një njoftim të rremë.
Shtetasja Sh. T. u gjet në banesë, në gjendje të mirë shëndetësore.
Shërbimet e Policisë kanë shoqëruar shtetasin S. T. në ambientet e Komisariatit, për kryerjen e veprimeve të mëtejshme procedurale.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd