Zgjedhjet parlamentare të mbajtura këtë të diel në Bullgari kanë nxjerrë si forcë kryesore fituese partinë e lidhur me ish-presidentin pro rus, Rumen Radev, sipas rezultateve të para të exit poll-eve.

Menjëherë pas mbylljes së votimeve më 19 prill, sondazhet paraprake tregojnë se “Bullgaria Progresive”, e lidhur me Radev, ka siguruar rreth 40% të votave, duke u renditur e para në garën elektorale.

Në vend të dytë renditet partia GERB e ish-kryeministrit Boyko Borisov, me rreth 15% të mbështetjes.

Sipas të dhënave të Komisionit Qendror të Zgjedhjeve, pjesëmarrja në votime ka qenë rreth 45%, një shifër më e lartë krahasuar me zgjedhjet e mëparshme. Rreth 6.5 milionë qytetarë u drejtuan drejt kutive të votimit.

Këto zgjedhje shënojnë procesin e tetë elektoral brenda pesë viteve të fundit në vend, duke reflektuar një periudhë të zgjatur paqëndrueshmërie politike në Bullgari.