GJERMANI- Një alarm u dha në Gjermani pas një shpërthimi që ndodhi në orët e para të së shtunës në një nënkalim në qytetin Völklingen në Gjermani. Shpërthimi i fuqishëm i mori jetën një personi, ndërsa katër burra të tjerë u plagosën rëndë, disa prej të cilëve janë shtruar në spital në gjendje kritike.

Shkaqet e shpërthimit mbeten të panjohura, ndërsa autoritetet gjermane nuk e kanë përjashtuar mundësinë e një akti kriminal. Një zëdhënës i policisë tha se nuk kishte më rrezik për sigurinë publike. Völklingen është një qytet me rreth 40,000 banorë, afër kufirit me Francën