Të dhënat po ngarkohen...
Transmetuar më 17-04-2026, 23:02
Sekretari i Përgjithshëm i Partisë Demokratike të Shqipërisë, Flamur Noka, ka publikuar një video ku pretendon se në ambientet e Spitalit të Traumës në Tiranë janë futur forca policie pa pasur, sipas tij, incidente të drejtpërdrejta ndaj tyre.
Ai ka deklaruar se prania e shtuar e policisë në spital lidhet me zhvillimet e protestës së opozitës dhe ka ngritur akuza për përdorim dhune dhe presioni ndaj protestuesve dhe deputetëve të Partisë Demokratike të Shqipërisë.
Në reagimin e tij publik, Noka ka përmendur edhe disa emra zyrtarësh, të cilët i akuzon për përfshirje në menaxhimin e situatës gjatë protestës, duke i cilësuar veprimet si të pajustifikuara.
Deklaratat e tij vijnë në një klimë të tensionuar pas protestës në kryeqytet, ndërsa autoritetet nuk kanë reaguar ende lidhur me akuzat e ngritura.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd