Në protestën e zhvilluar këtë të premte nga opozita, nuk kanë munguar mesazhet e qytetarëve, të shfaqura përmes pankartave të ndryshme.

Mes sloganeve më të spikatura ishin “Qeveri e krimit”, “Qeveri teknike” dhe “Karteli narko-elektoral”, të shoqëruara edhe me foto të zyrtarëve të ndryshëm, të cilët opozita i akuzon për përfshirje në afera korruptive.

Gjatë tubimit, përfaqësues të opozitës përsëritën kërkesën për largimin e kryeministrit Edi Rama dhe dorëheqjen e qeverisë.

Kjo shënon protestën e shtatë të organizuar nga opozita, e cila vijon të artikulojë kërkesën për ndryshime politike dhe krijimin e një qeverie teknike.