Të tjera detaje janë zbardhur nga plagosja me armë zjarri e ndodhur në Tiranë.

Sipas informacioneve paraprake, një 45-vjeçar, i identifikuar si Ilirjan Dosti, ka mbetur i plagosur në pjesën e barkut pas një konflikti që dyshohet të ketë nisur për motive të dobëta. I lënduari ndodhet jashtë rrezikut për jetën dhe po merr trajtim mjekësor në spital.

Burime nga hetimi bëjnë me dije se autori i dyshuar është fqinj me të plagosurin dhe dyshohet të ketë qenë nën efektin e alkoolit në momentin e ngjarjes.

Sipas njoftimit paraprak të policisë, ngjarja ka ndodhur rreth orës 19:10, në një lokal në rrugën “Imer Ndregjoni”. Menjëherë pas incidentit, në vendngjarje ka mbërritur grupi hetimor, i cili po punon për identifikimin dhe kapjen e autorit, si dhe për zbardhjen e plotë të rrethanave.

Tiranë/Informacion paraprak

Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi Ilirjan Dosti., rreth 45 vjeç, i cili po merr ndihmë mjekësore në spital.

Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit.