Situata nga zjarri në një kompleks banimi përballë spitalit QSUT “Nënë Tereza” në Tirana është përkeqësuar, ndërsa flakët kanë përfshirë pothuajse të gjithë fasadën e godinës.

Pamjet nga vendngjarja tregojnë dëme të mëdha materiale, ndërsa ekziston rreziku që zjarri të përhapet edhe në pallatet përreth.

Në vendin e ngjarjes kanë mbërritur forcat e policisë dhe tre mjete zjarrfikëse, të cilat po punojnë për izolimin dhe shuarjen e flakëve.

Deri në këto momente nuk raportohen persona të lënduar, ndërsa shkaqet e rënies së zjarrit mbeten ende të paqarta.

Autoritetet vijojnë ndërhyrjen për vënien nën kontroll të situatës dhe shmangien e përhapjes së mëtejshme të flakëve.