Tensionet në Big Brother VIP Albania kanë vijuar edhe mes banorëve Selin dhe Mateo, të cilët janë përfshirë në një debat të fortë mbi meritën për finalen e lojës.

Debati u ndez pasi Selin u shpreh se, sipas saj, Brikena është një konkurrente më e fortë se Mateo në garë, deklaratë që shkaktoi reagime të menjëhershme nga ana e tij.

Selin argumentoi se qëndrimi i saj është keqinterpretuar dhe se deklarata ishte bërë në funksion të strategjisë së lojës, duke shtuar se dëshira e saj është që një vajzë të fitojë këtë edicion.

Nga ana tjetër, Mateo e kundërshtoi ashpër, duke e akuzuar Selin për mungesë sinqeriteti dhe për përdorim të argumenteve provokuese në lojë. Ai u shpreh se ajo ka bërë “goditje të ulëta” dhe ka ndryshuar qëndrime sipas interesit personal.

Përplasja mes tyre u ashpërsua më tej, me të dy banorët që akuzuan njëri-tjetrin për hipokrizi dhe lojë të ndërtuar mbi interesa personale, ndërsa debati u komentua edhe nga opinionisti Arbër Hajdari, i cili vuri në dukje kontradikta në qëndrimet e Selin.

Ngjarja shton tensionin brenda shtëpisë së Big Brother VIP Albania, ndërsa gara për finalen po shkon drejt fazës vendimtare.