Presidenti amerikan Donald Trump ka deklaruar se është i gatshëm të ndihmojë ekonominë e Hungarisë nëse kryeministri Viktor Orbán siguron një mandat të ri në zgjedhjet parlamentare të së dielës.

Në një postim në platformën “Truth Social”, Trump u shpreh se administrata e tij është e gatshme të përdorë “fuqinë e plotë ekonomike të SHBA-së” për të forcuar ekonominë hungareze, duke e cilësuar Hungarinë një aleat të rëndësishëm.

Ai theksoi gjithashtu se një bashkëpunim i tillë do të ishte pjesë e mbështetjes për prosperitetin e ardhshëm të vendit, nëse Orbán dhe qeveria e tij vazhdojnë drejtimin aktual politik.

Deklarata e Trump vjen në prag të zgjedhjeve në Hungari , të cilat pritet të përcaktojnë edhe drejtimin e ardhshëm politik dhe ekonomik të vendit.