SARAJEVO – Kualifikimi historik i Bosnjës për Kupën e Botës 2026, pas fitores dramatike me penallti ndaj Italisë, solli në skenë një protagonist të papritur jashtë fushës: 14-vjeçarin Afan Cizmic, i cili shërbente si mbledhës topash.

I riu, që luan për ekipet zinxhir të NK Čelik, arriti të marrë nga portieri italian Gianluigi Donnarumma një letër me shënime mbi gjuajtësit boshnjakë gjatë penalltive. Afan e fshehu letrën, duke e privuar Donnarumma-n nga një ndihmë strategjike dhe duke e detyruar të mbështetej vetëm te intuita.

Momenti krijoi tension të dukshëm në stadium, me portierin italian që kërkonte në mënyrë të kotë shënimet e humbura.

Afan Cizmic është tashmë kthyer në simbol të këtij suksesi të madh për Bosnjën. Letra e famshme pritet të dalë në ankand për bamirësi, ndërsa tifozët shprehin dëshirën që 14-vjeçari të jetë i pranishëm si maskotë në Kupën e Botës në Shtetet e Bashkuara.