SHBA – Autoritetet amerikane po hetojnë një incident me të shtëna me armë të raportuara gjatë natës pranë Lafayette Park, përballë Shtëpisë së Bardhë.

Sipas Shërbimi Sekret i SHBA, nuk raportohet për persona të lënduar, ndërsa pas kontrollit të zonës nuk është identifikuar asnjë i dyshuar.

Presidenti Donald Trump ndodhej në Shtëpinë e Bardhë gjatë fundjavës, por nuk ka reaguar lidhur me incidentin.

Autoritetet bëjnë me dije se operacionet në kompleksin presidencial vijuan normalisht, megjithatë masat e sigurisë në zonë janë shtuar.

Shërbimi Sekret i SHBA po bashkëpunon me policinë e Distriktit të Kolumbisë dhe Policinë e Parkut për të zbardhur rrethanat e ngjarjes.