Këngëtarja Dafina Zeqiri ka përdorur sërish rrjetet sociale për të dënuar bullizmin dhe për të mbrojtur të drejtat e personave me aftësi të ndryshme.

Sot, Zeqiri shpërndau një postim nga llogaria zyrtare e Stenaldo Mëhillit, ish-banori i Big Brother VIP Albania, ku bëhej apel për ndërprerjen e çdo forme të bullizmit.

Ajo shtoi një koment personal në Instastory, duke kritikuar veprimet e Rogert Sterkaj dhe duke e quajtur atë “mashkulli më i urryer shqiptar”, duke shprehur indinjatën ndaj akuzave të mëparshme të Sterkaj ndaj Mëhillit për sjellje të padrejta dhe viktimizim.

Për më tepër siç shihni foton, e ka shoqëruar vlerësimin e saj për Rogertin me një emoji fyes.

Edhe pse konflikti mes banorëve është pjesë e një kapitulli të mbyllur të programit, Zeqiri vazhdon të përdorë platformën e saj për kauza sociale, duke sensibilizuar publikun mbi pasojat e bullizmit.

Këngëtarja njihet për angazhimin e saj në mbrojtje të të drejtave të ndryshme dhe rikthimi i kësaj teme tregon se bullizmi mbetet i papranueshëm, dhe çdo individ ka përgjegjësi për ta dënuar atë.